ຮອດປະຈຸບັນ ການລົງທຶນຂອງ ສປຈີນ ຢູ່ໃນ ສປປ ລາວ ນັບວ່າມີມູນຄ່າມະຫາສານ ແລະ ໄດ້ຕິດອັນດັບໜຶ່ງນັບແຕ່ປີ 2008 ເປັນຕົ້ນມາ, ຊຶ່ງຫຼ້າສຸດຕາມຂໍ້ມູນເປີດເຜີຍໃຫ້ຮູ້ວ່າ ມາດຽວນີ້ການລົງທຶນຂອງປະເທດດັ່ງກ່າວ ສະເພາະຢູ່ລາວມີແລ້ວຫຼາຍກວ່າ 50 ພັນຕື້ກີບ.
ທ່ານ ຟານຢຽນ ປະທານບໍລິສັດຊົງຊິງຟາງ ເຕີ ພັດທະນາອະສັງຫາລິມະຊັບໄດ້ກ່າວໃຫ້ຮູ້ໃນໂອກາດເຂົ້າຮ່ວມພິທີເປີດການກໍ່ສ້າງໂຄງການລາດຊະວົງພລາຊາວ່າ: ສປ ຈີນ ແລະ ສປປ ລາວ ມີມູນເຊື້ອສາຍພົວພັນມິດຕະພາບມາແຕ່ບູຮານນະການ, ທັງເປັນປະເທດບ້ານໃກ້ເຮືອນຄຽງ, ເປັນເພື່ອນມິດ, ເປັນສະຫາຍ ແລະ ຄູ່ຮ່ວມມືທີ່ດີຕົ້ນຕໍແມ່ນທາງດ້ານເສດຖະກິດ, ການຄ້າ, ການລົງທຶນ ແລະ ການບໍລິການລະຫວ່າງສອງປະເທດນັບມື້ຂະຫຍາຍຕົວຢ່າງບໍ່ຢຸດຢັ້ງ, ຈົນມາຮອດປະຈຸບັນການລົງທຶນຂອງຈີນຢູ່ໃນລາວແມ່ນມີມູນຄ່າມະຫາສານ ແລະ ໄດ້ຕິດອັນດັບໜຶ່ງນັບແຕ່ປີ 2008 ເປັນຕົ້ນມາດ້ວຍມູນຄ່າທັງໝົດ 6,4 ຕື້ໂດລາ ຫຼື ປະມານ 51.200 ຕື້ກີບ, ໃນຈຳນວນ 750 ໂຄງການ, ຊຶ່ງມັນໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວ.
ໃນຊຸມປີຜ່ານມາການລົງທຶນຂອງ ສປ ຈີນ ນອກຈາກຈະໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວໃຫ້ນັບ ມື້ມີການຂະຫຍາຍຕົວບົນພື້ນຖານຕ່າງຝ່າຍມີຜົນປະໂຫຍດຮ່ວມກັນແລ້ວ ຍັງໄດ້ໃຫ້ການຊ່ວຍເຫຼືອລ້າຫຼາຍດ້ານທີ່ມີຄຸນປະໂຫຍດແກ່ລາວ, ພ້ອມທັງໄດ້ແກ້ໄຂຄວາມທຸກຍາກໃຫ້ແກ່ລາວອີກດ້ວຍ.
ຊຶ່ງທັງໝົດນີ້ ກໍແມ່ນດ້ວຍແນວທາງອັນຖືກຕ້ອງຂອງພັກ ແລະ ລັດຖະບານ ສປປ ລາວ ທີ່ໄດ້ມີກົດໝາຍສົ່ງເສີມການລົງທຶນຂອງຕ່າງປະເທດ ແລະ ນະໂຍບາຍສົ່ງເສີມການລົງທຶນຂອງທຸກພາກສ່ວນເສດຖະກິດທັງພາຍໃນ ແລະ ຕ່າງປະເທດ, ປົກປ້ອງ, ຄຸ້ມ ຄອງ ແລະ ອຳນວຍຄວາມສະດວກໃຫ້ກັບນັກລົງທຶນ ໃນປະເພດຕ່າງໆ.
ສຳລັບການລົງທຶນຂອງຈີນຢູ່ລາວຄັ້ງຫຼ້າສຸດກໍແມ່ນໂຄງການຮ່ວມມືລະຫວ່າງກະຊວງປ້ອງກັນປະເທດກັບບໍລິສັດຊົງຊິງຟາງເຕີພັດທະນາອະສັງຫາລິມະຊັບ ເພື່ອສ້າງໂຮງແຮມລາດຊະວົງພລາຊາຖືກ ສ?າງຂ?ນໃນພ?ນທ? 150.000 ຕາແມັດ ລວມມູນຄ່າ ລົງທຶນຫຼາຍກວ່າ 150 ລ້ານໂດລາສະຫະລັດ, ເປັນໂຄງການສັງລວມລະດັບຊາດໃນຕົວເມືອງ, ຊຶ່ງປະກອບມີໂຮງແຮມສາກົນລະດັບ 5 ດາວທີ່ມີຄວາມສູງ 138 ແມັດ ແລະ 33 ຊັ້ນ, ຕຶກຫ້ອງການລະດັບ ເກດເອ, ຕຶກອາພາດເມັນ, ພ້ອມນັ້ນ ກໍຍັງມີສູນກາງ ປິ່ນປົວຟຶ້ນຟູສຸຂະພາບ ແລະ ສູນການດ້ານການແລກ ປ່ຽນຊື້ຂາຍທີ່ໃຫຍ່ ແລະ ທັນສະໄໝ ເພື່ອມາປະດັບນະຄອນຫຼວງວຽງຈັນ, ສະເພາະໂຄງການກໍ່ສ້າງນີ້ຄາດຈະໃຫ້ສຳເລັດພ້ອມເປີດໃຊ້ໃນເດືອນມີນາ 2016, ນອກຈາກນັ້ນ ກໍຍັງມີຫຼາຍໆໂຄງການທີ່ກຳລັງຈັດຕັ້ງປະຕິບັດ ແລະ ມີຄວາມຄືບໜ້າ, ພ້ອມທັງຫວັງຈະໄດ້ເປີດໃຫ້ໃຊ້ບໍລິການໃນທ້າຍປີນີ້ ຕົ້ນຕໍແມ່ນໂຄງການວຽງຈັນເຊັນເຕີ ແລະ ໂລກໃໝ່ແຫ່ງວຽງຈັນ ແລະ ອີກໂຄງການອື່ນໆ.
ອີງຕາມຂໍ້ມູນຍັງໃຫ້ຮູ້ອີກວ່າ: ການຮ່ວມມືທາງ ດ້ານເສດຖະກິດການຄ້າຂອງສອງຝ່າຍທີ່ໄດ້ນຳໃຊ້ທ່າແຮງດ້ານທີ່ຕັ້ງພູມສາດຢ່າງເຕັມທີ່ເພື່ອເປີດ ກວ້າງຂະຫຍາຍຜົນການຮ່ວມມື ໂດຍສະເພາະເສດຖະກິດການຄ້າສອງຝ່າຍໃຫ້ນັບມື້ເຕີບໃຫຍ່ເຂັ້ມແຂງນັບແຕ່ປີ 2010 ລວມຍອດການຄ້າສອງຝ່າຍລາວ-ຈີນບຸກທະລຸ 1 ຕື້ໂດລາ ແລະ ມາຮອດປະຈຸບັນມູນຄ່າການຄ້າຂອງສອງຝ່າຍເພີ່ມຂຶ້ນ 145% ເມື່ອທຽບໃສ່ປີຜ່ານມາ (2013).
source: http://www.sedthakid.la/home/khao/20968.html
No comments:
Post a Comment